الرياكت js

باش نقدوو نديرو واجهة عملية للموقع ديالنا كايخصنا نزيدو شويا ديال اللوجيك على HTML و CSS باش نتفاعلو مع التجربة اولا الاستخدام ديال اليوزر

مثلا نجيبوا بعض المعلمومات من الباكند وقت الحاجة فقط وماكاين لاش يجيو من اللول.اولا نبدلو فشكل الواجهة ديال الموقع او جزء منو مني يوقع شي حدث معين مثلا وصلاتو رسالة جديدة فحالة كان عندك سستم ديال المراسلة فالموقع.

وباش تقدر تبرمج هاد اللعيبات ايخصك javaScript) js) وماادراك .

كاتعتابر حتى هي لغة برمجة خصوصا مابقاتش محتكرة من الفرونت فقط بل عن طريق النود غتدي يمكن ليك دير حتى الباك ند .

تعلم اساسيات الجافاسكريبت javascript

من غير كيفاش ديكلاي فاريابل و كيفاش دير بوكل فور ختصك تشوف Document Object Model لي هو فقط بعض الطرق كيفاش تتحكم بالواجهة ديالك و تخليها حية و مشي صنم ان صح التشبيه.

غادي Ajax لي كايمكنك تربط واحد الاتصال خفيف للباكند باش تجيب شي حاجة خاصاك او العكس يعني تسيفط شي معلومة او ملف للسرفر .

اكيد غادي تحس براسك كاتدير بزاف ديال الكود باش توصل لنتيجة بسيطة.

وهنا فين كايجي رياكت كايخلي ليك كاشي واضح وباين وضح الشمس فنهار جميل.

عن طريق تسجيد مفهوم Model View Controller الرياكت كيضيف ليك مفهوم ال Component وكايخليك دير العجب فالباج ديالك بلاما دوخ.

منني كاتقدر تقسم الواجهة ديالك لقطع او اجزاء اقل تعقيد و تصاوب ليها اللوجيك js ديالها بوحدها و تربطها لواحد المخزن ديال البيانات store لي هو مشترك بين الاجزاء ديال الواجهة وفوق هدا تقدر تعاود تستخدم هاد الجزء من الموقع فاي بلاصة او صفحة اخرى و حتى موقع اخر ايلا بغيتي زعما.